अपराध, समाचार

अष्ट्रेलियाको खेल मैदान नै रणभूमिमा परिणत

अष्ट्रेलिया, सिड्नी । अष्ट्रेलियाली नेपाली समाजबीच लोकप्रिय, सबैभन्दा पुरानो र पहिलो लिग भनेर दाबी गरिएको गोर्खा नेप्लिज कम्यूनिटीले आयोजना गर्दै आएको जीएनसी लिगको खेलमैदानमै दुईपक्ष आक्रमणमै उत्रिएका छन् ।

यो सिजनमा पनि गोर्खालीको कार्यक्रम रणभूमिमा परिणत भएको छ ।  आइतबार दिउँसो सञ्चालित लिग अन्तर्गत क्याम्सी फुटबल क्लब र गोर्खा स्पर्स नामका दुई नेपाली समूदायका क्लबबीचको खेलपछि क्याम्सी एफसीका खेलाडीहरुले गोर्खा स्पर्सका एक खेलाडीलाइ मैदान बाहिर मरणासन्न हुनेगरी आक्रमण गरेका छन् ।

उनको नाम अहिलेसम्म बताइएको छैन ।  खेल सिड्नीको चेष्टर हिलस्थित मैदानमा सञ्चालन भएको थियो । बाह्रखरीलाई प्राप्त केही भिडियो क्लिप्समा पनि आक्रमणमै उत्रिएको देख्न सकिन्छ । भिडियोमा गोर्खा स्पर्सका खेलाडीलाई क्याम्सी एफसी लेखिएको फुटबल जर्सी लगाएका अर्को समूहका सदस्यहरुले निरन्तर आक्रमण गरेका थिए ।

अघिल्लो वर्ष पनि यसैगरी झडप भएको थियो । 

खेल सञ्चालनमै भइरहेकै अवस्थामा कसरी एकाएक आक्रमण सुरु भयो भन्ने सम्बन्धमा अहिलेसम्म जानकारी प्राप्त भएको छैन । आयोजकहरुलाई सम्पर्क गर्न खोज्दा सबै प्रतिक्रिया दिनबाट तर्किएका छन् ।

आक्रमणमा परेका खेलाडीको सिड्नीकै एक अस्पतालमा आईसीयूमा उपचार भइरहेको छ । नेपाली समूदायको सेतु बनेको भनेर खुबै प्रचारबाजी गरिने यो लिग नेपाली युवा विद्यार्थीमाझ लोकप्रिय भए पनि आजसम्म त्यस्तो हुन सकेको छैन ।

सहभागी क्लबमध्येका एकले अब यो लिग पूर्ण रुपमा बन्दै गर्नुपर्ने पनि बताएका छन् । विभिन्न क्लबका भाइबर समूह र त्यसमा आवद्ध सदस्यहरुमाझ जीएनसीको कमजोर व्यवस्थापन, गैर नाफामूलक भए पनि नाफा केन्द्रित आयोजकहरु यसमा सबैभन्दा जिम्मेवार रहेको एक सदस्यले बाह्रखरीलाई जानकारी दिए ।

कस्तो कानुन लाग्छ ?

फुटबल वा अन्य कुनै पनि प्रकारका खेलकुदका दौरान वा खेलपश्चात खेलमैदान बाहिर हुने साधारण झै झगडानै किन नहुन् त्यसलाई अष्ट्रेलियाको कानुनले आपराधिक कार्य मान्ने गरेको छ । कानुनअनुसार दोषी ठहर भएमा त्यस्तो आपराधिक गतिविधिजस्ता सूचना अर्को देशसँग पनि रहने हुनाले अर्को देशको भ्रमणमा समेत रोक लाग्न सक्ने बताइन्छ ।

यस्तो अवस्थामा ज्यान मार्नेसम्मको मुद्दा अघि बढ्न सक्ने कानुनविदहरु बताउँछन् ।

 बाह्रखरी बाट साभार – २०७६ मंसिर २९ आइतबार १९:२३:००

Feature image: david-clode-yLxQRYpuwqg-unsplash

परदेशिमा हालै प्रकाशित

परदेशीको सदस्यता लिनुहोस्

फलो गर्नुहोस

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s